ننشر مشوار مصممة الأزياء بتول المرصفي في عام ٢٠١٨.. بالصور

اعداد و حوار / مصطفي العطار

بتول المرصفي مصممة أزياء صاحبة لمسة كلاسيكية تجمع بين الجمال و الرقى استطاعت في فترة وجيزة بإيجاد مكانة مميزة بين كبار المصممين و المصممات و الجدير بالذكر انها قاهرية النشأه و الاقامه و خريجه كلية الألسن جامعه ٦ اكتوبر

، بدأت المجتهده بتول التعامل مع الأزياء من ٥ سنوات بعد أن انشات مكتب لاستيراد الملابس من الخارج ثم قررت أن تخوض تجربة الديزاين و تفوقت على نفسها في شهور معدوده حتى صارت من أهم المصممات في عالم الموضه و الازياء ..

و لديها توكيلات للبراند الخاص بها unique عدة دول عربية ، قدوتها المذيعه السمراء أوبرا وينفري و أحلامها مالهاش حدود ما بين تطوير أعمالها و المشاركه في المسئوليه المجتمعيه تجاه مجتمعها ، هواياتها القراءه و سماع الشعر و كتابه الخواطر عاشقه جدا ل الهدوء و البساطه ..

عن حصاد اعمالها في عام ٢٠١٨ تقول :

الحمد لله راضية الى حد كبير عن مسيرتي العام السابق و انا بدأت باستخدام تكنيك جديد فى الشغل و بقيت اعمل شغل التطريز بنفسى و تم التعاقد على توكيل جديد للبراند بتاعى بره مصر و تم توسيع توكيل الاردن ان شاء الله …

و عن غيابها عن العديد من الملتقيات و التكريمات المختلفة ذكرت :

الحقيقه الفتره دى مهتمه اكتر بالتوكيلات و باسافر كتير عشان تحضير الكوليكشن و اختيار الخامات المناسب ليه و ده خلانى اعتذر عن تكريمات و مناسبات كتير السنه دى لان مهم جدا التركيز فى شغلى و الاهتمام اكتر بكتير من الركض وراء التكريمات فتكريم الحقيقى للمصمم هو العميل بتاعه و التقديم الافضل دايما و التطوير و التطور

و عن الجديد في تصميماتها اضافت :

أنا دائما فى كل كوليكشن بحاول ادخل خامات جديده الناس مش متعوده عليا فيها زى الحرير الطبيعى الايطالي. دارى الستان الهندى . الشيفون الهندى . الدفته. الفرو الهندى . التطريزات بانواعها دايما بحاول اجدد فيها بشكل يليق بالموديل و يضيف اليه لمسه مختلفه

و عن اهم جائزة حصلت عليها العام الماضي أكدت المرصفي :

اهم جائزة حصلت عليها العام الماضي هو اطلاق عملائي على شغلي على انه بيجمع بين الانوثه و الفخامه وبيقولوا كمان اني متميزه فى هذا الاتجاه و ده بالنسبة لي أحلى جايزة ..

و تحدثت بتول بحماس و اصرار عن حلمها :

انا حلمى ان شاء الله اتوسع و يكون ليا توكيل فى كل بلد و يفتخر الجميع ب براند Unique انه لمصممه ازياء مصريه و صناعه مصريه و محقق معيار الجوده العالميه و السمعه الطيبه

و اضافت المرصفي :
و كمان باتمنى دايما انى اجدد و اتطور و اتعلم و ابدع و اكون دايما فى الأحسن و عند حسن ظن عملائى اللى دايما بيفتخر بيه و بتصميمى

و ظهرت في ٢٠١٨ في عدة برامج منها ” عسل اسود فاشون شو ، دانتيلا دايما احلى مع امينه شلباية ”

و اختتمت المرصفي برسالة ل المرأه قائلة :

” دائما بقول لأى امراه اختارى المناسب ليكى المناسب لجسمك و لشخصيتك و يكون مريح ليكى اختارى من الموضه الموديل المناسب ليكى و اللى يخدم شكلك و استايلك

حاولى دايما تكونى ع طبيعتك و كونى نفسك حبيها احترميها قدريها لأن انتى مرايه لنفسك طول ما انتى راضيه عن نفسك و مرتاحه و مبسوطه وواثقه فى نفسك الناس هتشوف ده فى عينيكى فى كلامك فى شغلك و تعاملك معهم

و أخيراً ” اهم حاجه انك تكونى نفسك و تشتغلى عليها و دائما تسعى لتطوير نفسك و تقديم الافضل “

اضف رد

لن يتم نشر البريد الإلكتروني . الحقول المطلوبة مشار لها بـ *

*

جميع الحقوق محفوظة ©مملكتى الجديده

التصميم شارع 7 - احمد عاطف 01222456301